上一頁下一頁
Elvington - 4 星級嘅 B & B 你可能住過, 但係喺呢一到, 你係可以比民宿嘅價錢而享受得到酒店嘅服務 !
靜睇 B & B 嘅外貌, 就已經愛上佢嗱 :P
佢哋仲有個好靚嘅後花園架 !
如果你係自駕遊的話, 可以將車停泊喺客廳外嘅停車處 ....
佢哋有 3 間房, 呢間係最大嘅, 可以 3 個人住都得 ....
有獨立嘅浴室 . 洗手間之外, 仲有 ....
一個優雅嘅角落, 比女仔梳妝用, 好貼心啊 ^^
呢個爐好攪笑, 旺爸攪咗好耐都搵唔到佢嘅開關制 >.<"
另外嗰兩間雙人房, 一間係套房, 而另一間嘅浴室就喺房嘅出面 ....
不過佢哋諗得好周到, 洗面 . 洗手嘅位置依然喺房嘅入面 ....
每間浴室不但只好乾淨 ....
而且仲會好似酒店咁, 設備齊全啊 ^^
呢到就係每朝小叮嚀同旺爸食早餐嘅地方 ....
屋主亞 Ann 每朝都會整豐富嘅英式早餐比大家食架 ....
你睇, 想唔肥都幾難 >.<"
由飯廳行入去, 你會見到一個好舒適嘅地方 ....
你可以喺到聽音樂, relax 一吓 ....
冬天嘅時候, 開著呢個火爐, 一定好有氣氛啫 !
最後小叮嚀好想同大家講 : 呢間 B & B 最特別嘅地方係, 你會見到呢啲公仔佈滿每一個角落 ....
佢哋全部都係屋主兩母女親手整架, 唔單止係啲衫, 係成個公仔喎 .. 係咪好犀利呢 ^o^
上一頁下一頁
相片最新留言