甜心小叮嚀

2011 年 2 月 16 日, 旺爸忽然話想去英國喎 .... 

於是小叮嚀趁佢沖涼嗰陣, 即刻 send 咗個訊息比 Angel .. 問吓佢有關 Brighton 嘅資料   

2011 年 2 月 22 日, 小叮嚀開始 send email 問 Mandy 攞機票資料 .... 

嘩, 暑假要成 $ 8,000 + tax 、再加燃油附加費呀

 .... 又話可以用 Asia Miles 換機票, 但係原來暑假期間, 根本就無可能換得到架 !   

小叮嚀開始日以繼夜咁睇資料 ! 搭車又睇 . 夜晚喺屋企又睇 ....

2011 年 2 月 24 日, 小叮嚀開始 draft 個 itinerary & target place to go  

真係好多資料要睇呀, 睇到小叮嚀好眼瞓呀

 .. 原來英國同法國係咁近架 ?! .. 原來普羅旺斯係咁靚架 ?! .. need to plan it again lar !!

.... 吓, 財爺派 $ 6,000 ?! 莫非資助我哋去旅行 ?!

2011 年 3 月 8 日, confirm ! 一於去普羅旺斯 .. 於是, 小叮嚀搵資料搵咗成晚呀 .. 就連喺公司嘅 lunch 時間都唔瞓嗱 !!

.... 一邊聯絡個朋友仔攞法國資料

.... 一邊又搵緊英國 B & B 嘅資料

旺爸開始出招嗱 !! 佢開始幫手搵平機票 .. 呢 part 都好 kick 手架, 佢而家都好苦惱啊 !

真係一分錢 . 一分貨呀 .... 出平機票就無咗一日時間, 仲要喺第二個國家停一停再轉機 !!

旺爸真係諗到頭都爆呀, lunch 時無得瞓之餘, 夜晚仲要踱到成一點幾, 都諗唔掂呀 .. 金錢同時間, 應該點揀呢 ?!

最後小叮嚀嘅決定係 .. 唔好再要旺爸咁辛苦嗱 ! 一於決定坐 CX 啦 .. 係貴架嗱, 不過旺爸唔洗再煩機票 lu ..

卒之訂咗機票嗱 .. yeah ! 下一步就要 confirm 啲房, 我鍾意住 B & B 呀 .. 要編排行程嗱, 旺爸做嘢咁辛苦, 要安排一個好玩又舒適嘅行程至得

從來都不知道, 原來安排一個旅程是這樣的辛苦, 因為每一次出國旅遊都是由旺爸負責, 小叮嚀只是等着玩 . 等着吃 ....

自從年初旺爸為小叮嚀的家人安排了一次愉快的布吉之旅後, 小叮嚀深受感動, 決定下一次的旅程一定不再要旺爸辛苦, 而且更要為他安排一個開心 . 好玩的旅程 !

籌備的過程中, 雖然真的有點辛苦, 但又感覺到很開心, 而且從搜集資料中能學懂很多東西 .... 小叮嚀就經常打趣的跟旺爸說 : 如果小時候有現在睇旅遊資料的耐性與勤力的話, 那麼小叮嚀的成就一定無可限量啊  ^o^