甜心小叮嚀

1)   如果你打算去普羅旺斯睇薰衣草的話, 最好選擇六月尾至七月中, 不過都要視乎你去邊一個地區, 因為每個地區嘅收割時間都唔同

2)   如果你係好怕蜜蜂的話, 就帶定啲防蚊貼, 又或者搽定啲白花油先去薰衣草田入面影相, 因為你一企入去, 就會發現有不同種類, 數以十計嘅蜜蜂 . 黑蜂 .. 喺薰衣草田入面飛來飛去啊 [ 不過根據小叮嚀嘅經驗, 其實都唔洗驚架, 因為你一定唔夠啲薰衣草吸引呀 ]

3)   如果你想感受一吓 Avignon 藝術節嘅濃厚文化氣息, 就選擇七月分去啦, 好有氣氛, 值得停下腳步, 欣賞一吓啊

4)   如果你想喺普羅旺斯去多幾個地方遊覽, 或者影薰衣草, 就必定要自駕遊啊

5)   如果你係由巴黎搭 TGV 去 Avignon 的話, 就務必要早啲買車票呀, 至少早 3 - 4 個月呀, 因為可以平好多架 [ 不過小叮嚀同旺爸喺訂車票嘅時候, 遇到好多難題, 好彩最後都解決到咋 .. 有需要的話, 先同你哋分享吖 ]

1)   如果你去到巴黎, 千萬要小心你嘅行理同銀包 .. 特別係喺地鐵站入面, 盡量選擇坐喺啲白人或者當地嘅華人嗰卡

2)   如果你同小叮嚀一樣, 選擇買 Carnet 車票的話, 要留意有啲地區喺唔用得, 要另外買票喎

3)   如果可以的話, 自己帶定樽水, 因為巴黎 [ 其實喺普羅旺斯都係 ] 嘅餐廳要水飲係要收錢架, 不過你可以好似小叮嚀同旺爸咁, 叫 tap water, 咁就唔洗錢嗱 [ 放心, 法國嘅水喉水係可以就咁飲架 ] 

4)   如果你去嘅地方有洗手間的話就不防去一去, 唔洗去街上面要比錢嗰啲呀

5)   如果你買咗好多禮物手信 [ 特別係名牌嘢 ], 記得 . 記得要喺機場辦理退稅手續啊 

1)   如果你去到 Cotswold, 記得 .. 記得要影多啲相呀, 因為嗰到實在太靚嗱  ^o^

1)   如果你去到倫敦, 記得買張 Oyster Card, 佢好似我哋香港嘅八達通咁用架, 好方便 . 而且車費會比較優惠啊

[ Cotswold 同 London 可能都係用英語溝通, 而且同香港比較相似, 所以無咁多嘢要留意 .. 等小叮嚀諗到再寫啦 >.< ]